(عامل بننے کۓ لیۓ ہدایات) Guidance For Learning Numerology

Asalam-o-Alaikum

Ya Ali a.s.w Madad

Is maidan me qadam rakhne wale Talib ko jis qadar ilmi waqfiyat ki zaroorat honi chaiye wo yahan likh raha hoon.! 

1 Abjad se itni waqfiyat ho ke ism- Asma e Husna , Ayat, Ibaraat wagera ke Adad nikaal sake or abjab zubaani yaad ho. 

2 Burj or Koakib ka itna ilm zaroor ata ho ke yani burooj ki khasiyaten or taala e koakib ke taloo or gharoob sharf or haboot rujat wgera ka ilm hona chaiye .

3 Amil k liye zaroori he k pehle khud ko amal parhne k qabil banai matlab k apne ander ki roohani quwaton ko bedar kary jab tak uske ander ki roohani quwaten bedar na hongi tab tak wo kitne b chille karle uska koi amal kamiyab hona mushkil he isliye behter he k amliyat k maidan me akar pehle reyazaten or khane pine ki parhaiz kary. 40 din tak gosht khana band karde or khana din me ek ya sirf 2 waqt khai or rozy b rakha kary or kam soya kary 5 ghanty se neend kam na kary 8 ghanty se ziyada na kary or jita ho saky logon se mel jhol kam rakhe jitna waqt ho saky goshanashini me guzary or zuban se baat kam kiya kary zaroor k siwa kisi se baat na kary or namaz 5 waqt parhy or namaz e shab b ada kiya kary baad namaz e shab muraqiba ya zikr La Ilaha Ilalaha kiya kary Insha Allah Allah pak k  hukum se uske ander roohani quwaten bedar hona shuru hojaingi.

Amil Ke Wajbaat

1 Amil hamesha Ba Wazzoo or ba Taharat rehta ho or hilaal e rizk rakhta ho.

2 Jis waqt koi amal parhne bethe ya Taweez likhe to waswasa shaitaani or bure khayalaat ko dil me na ane de jis maqsad k liye amal kary isko tasawar e kamil se pesh rakhe .

3 jin ayam me amal parhe parhaiz mawafiq amal jalaali ya jamaali kary khane ki chizon me taseer bohot hoti he  jissy nafa nuksan ka andesha hota he naqoosh likhte waqt badbu dar chiz ki  bu mun se na ati ho jese lehsan ya pyaaz tobbaco ki smell .

4 amal parhne k liye jo waqt muqarar kary iski pabandi kary ikhtalaf e waqt sara sar nuqsaan he yani amal apne same time per rozana parha ya likha karen time me 2 mnts ki dair se ziyada 3isra mnt na hone pai.

5 Amil ko chahiye k amal parhne k liye Sahi jaga ka intekhaab kary or loazmat e amal k jama karne ya taiyari karne me koi b kotahi na kary or na unko  kisi dosry ko istemal na karne de or jahan per b amal kiya kary wahan koi b shaqs amil s siwa nai jaya kary or jitne din ka chilla ya amal ho kisi b Haiz wali orat k hath ka khana na khaya kary balke apna khana pina khud taiyar kary to or b behter he

6 jab amal ya taweez k liye bethe to Alhamd Shareef , Ayat Al Kursi, 4 Qul Shareef ko apne uper 3 3 bar dam krle ya koi b behter hisaar jo uske Kamil Ustad ki taraf se usko diya gaya ho wo hisaar karle. lekin ye bhi jaan len k har amal me hisaar zaroori nahi hota per kuch khas amal jese k hamzad ya mowakil ko qaid karne wale amal me Hisaar Karna Lazmi hota he.

7 Jab bhi koi amal ya naqsh likhe to Rijaal Al Ghaib ka Khas khayal rakhe. Rijaal al Ghaib apko agy chalke bataya jaiga.

Nahas Tarikhen

Jab koi amal ya irada karen or us amal k liye jis mah ka intekhab karen to is mah ki nahas tareekhon ka khas khayal rakhe jo k is mah me is amal k liye sai nahi he in tareekhon m koi kesa b amal ho har giz na karen  

1: Moharram           : 11,14,

2: Saffar                    : 2,11,20

3: Rabi al Awal       : 4,10,20

4: Rabi Al Sani        : 1,11,28

5: Jamadial Awl    : 10,11,28

6: Jamad al Sani    : 1,11,28

7: Rajjab                   : 11,12,13

8: Shaban                 : 14.20.26

9: Ramzan                : 3,12,24

10: Shawal                 : 2,6,8

11: Ziqad                    : 2,6,8

12 :Zulhaj                   : 8,20,28

Rijaal Al Ghaib

Rijaal al Ghaib mardan e khuda hain jo amil ki harkaat or saqnaat main dakheel hoty hain qadir e mutaliq ne jis tarah  farishton ko nizaam e dunia per mutaliq kar rakha he koi barish ka Mowakil he to koi hawa ka isi tarah  Rijaal al Ghaib  amal eRohaani per  hukumran hain ye zamin k gird chakar lagaty rhty he inki tareekhain (Dates) Muqarar hain  ke ye aj kis taraf hain or kal kis taraf hongy jab koi ibtidai amal ya wazeefa  ya Naqsh ya jalsa ya Muraqida wagera karen  to maloom karen k  Rijaal al Ghaib kis Simt (Taraf) hain us waqt . Agar ye Samne ki simt me hoon (Ru Ba Ru) hoon to Nahas hota he inki taraf mun karke hargiz kam na karen unki taraf kam karne waqt pusht karlen ya inko dast e chap ki taraf karlen  agar is tareeqy k khilaaf karengy to  dosti ka kam karengy to dushmani hojaigi goya khilaaf e asar zahir hoga .

Misaal agar apko Tareekh 6 Mah Rajab ko koi amal anjaam dena he  ya koi b naqsh ya wazeefa parhna he to Rijaal al ghaib 6 tareekh ko Shumaal MAshriq ki taraf hoga or apko shumal mashriq ki taraf hargiz mun krke nai bethna  balke ap Janoob Maghrib ki taraf mun krke bethengy.

Tarika ye he k jab amal k liye bethen to  jis taraf Rijaal al ghaib hoon to is taraf mun karke unko Salaam kahen or imadad talab karen  is amar k liye ye Azeemat (Salam For Rijal Al Ghaib) ye he.

Dawat e Koakab

Wo Log jo Amliyat ke Maidan me Apni zindagi basar karna chahty hain  wo ek hafty (Week) main saaton  sitaron ki taskheer ka amal karke Amil banjate hain is k baad jab bhi amal karna ho ya taweez ya tilsim likhna ho to mutaliqa koakab k Mowakilaat ko Salaam kiya jata hai agar ek Koakab ho to ek ko salam kiya jata he  agar talib or matloob ke do mukhtalif sitarey nikle dono ko slaam kiya jata he phir amal ya naqsh kiya jata he.

dawat e koakib k liye har salaam ko Mowkilaat k sath (1) Ek Hazaar bar parhna chaiye awwal 101 bar Durood Sharif parha jata he  or akhir me 21 Martaba parha jata he ye dawat zindgi me sirf ek bar di jaati he iski mavmat ki zaroorat nahi hoti tareeqa ye he k  din ko roza rakho or raat ko isi sitary ki saet me amal parho . Eg: itwar ko roza rakha or shams ki dawat ka amal raat ko Shams ki Saet me Parha .

Jab (7) saat din ki dawat mukamal hojaigi to niaz hazbe Toofiq Paighamber e Khuda  s.a.w.w  dilain ab ap Amil hain jab chahen amal ya taweez likhty waqt mowklaat ko salam karen wo qabooliyat k liye madad karengy assar jald zahir hoga or rujjat se bachaingy. 

Naqsh Likhne K liye Zarooriyat

Naqoosh k Loazmat me Qalam(PEN) Siyaahi(INK) Kaghaz(Papper) Or Bakhuraat(Herbs)

1: Qalam

Agar ap qalam khareedna chahty hain to qalam bhi Halaal paison(Hadiya) se kharidi hui ho har amal k liye ek Nai(NEW) Qalam banai jai baz log esa b karty he k sa,ad(Naik amal) k liye ek Alag Qalam rakhty hain jo Kaahi ya Sarkandy ka hota he ya mukhatalif Qalam istemal kiye jaty he or Nehas (Bad amaal) k liye ek alag Qalam istemal kiya jata he jo lohe ka hota he ya mukhtalif chizon ka jo amal e shar k liye istemal kiye jain.

Qalam tarashne(banane) ka Tarika

Agar amal naik khair k amal k liye qalam tarashna he to kisi naik Saet ka intekhab karna hoga jese new moon thursday k din subha ki pehli qian jo saet Mushtari hoti he us waqt ya saet zehra me tarashna chaiye, tarashne se pehle 3 bar durood sharif  5 bar Surah Fateha (Alhamd Shareef) or Qalam ko tarashen , qalam agar kisi ache kam khair ya hub k liye he to qalam ka rukh apni taraf krke tarashen  or agar kisi bad kam k liye he to qalam ka rukh dosri taraf krke tarashen or kalam per jalali ism parhen tarashty waqt or qalam ko kabhi b zamin per na rakhen jab tak k naqsh tamam na hojai tab tak hath se na choren na zamin per rakhen .

    

Naqsh amal e khair k liye Zaffran or Anar k Darkh k Qalam jo k mene sharait k Mutabiq banai hui he .

Zaffran and Anar k Qalam

Neem Ka Qalam Amal e Shar k liye

Seh k Kanton k Qalam Amal e shar k liye

Seh k Kanty ka Kalam (Amal For Adawat)

Amal for adawat(Seh k Kanty Ka Kalam PEN)

Anaar Ka Kalam(Amal e Khair wa HUB)

Siyaahi(INK)

Siyaahi 2 kisam ki hoti he jo taweez likhne k kam ati he ek surkh or dosry siyaah (black) ya Neeli (Blue) surkh rang ko Zafran (Saffron) se hasil karty hain ye rang nabatati hai ache kam amal e khair sab isi siyahi se likhe jaty hain or jo bad amal hoty he unke liye kaali ya neeli siyaahi ka istemal munasib hota he har do siyaahiyon me munasib haal izafe b kiye jaty he  maslan zafran ko Ark-e-Gulab ya Kewra me gholen take khushbo ka izafa ho or neeli ya kaali(BLACK) siyaahi me Sirka milain take taizi or badbu me izafa ho 

Kaghaz Aur Kapra (Papper and Cloth)

kaghaz or kapra rang k lehaz se intekhab kiya jata he or ye rang koakib ke  mutalika rangon se liye jaty he akser ache amal k liye safaid rang ka or amal e SHARF k Liye Sunehra(Golden) Kaghaz ya Reshmi kapra or Bury Amaal k liye  surkh yua Neela Ya mila Jhula Rango wala Kaghaz ya kapra le chahe ye rang ek taraf hi q na ho abri ka kaghaz mufeed rehta he Naqoosh jis kapry me lapaity jain wo k kowakib k rangon ke mawafiq ho  or agar Talib or matloob basoorat adawat tarfeen k pehne hui kapry me lapaiten .

Golden Sunehra Kaghaz

Bhojpatra ek kaghaz he jo Naqoosh likhne k kam me ata he iske mutaliq amal apko batai jaingy

Golden Sunehra kapra

Dhatoon ki Lohen(Metals of Sa,at.)

Dhaton per amlan sharf ki lohen lihki jati he chandi sona  or Sikky per to kisi nokdar keel se asani se naqsh ban sakta he magar dosry dhaten sakt hoti hain  inper likhne ke ozar hone chaiye ya kisi pak ba,namazi insan se likhwain 

 

Bakhoorat

Jis Sitary me jo amal karen iske mutalika bakhoor jalane zaroori hoty he Tareeqa ye hota he k agg koilon ki angethi me pass rakhlen  or doran e amal thora thora moraqab safoof bakhoor ka uper dalty rahen bakhoor k mainey(Manning) dhooni , to isy khushbodar ya badbudar dhunwan uthta rahega is dhoni se Roohaniyat ki amad jaldi hoti he  baz ese bhi makhloot bakhoor hain  jisy inko roshan karne se  jinaat or Roohania nazar ajaty hain isme bohot quwat hoti he ek sitara ki jis qadar chizen hoti he inko kot chaan kar rakhlen 7 saton koakab  ki 7 shishiyan(Bottles) banalen baz log batiyan bhi bana lete hain jese dhoop ki bati moti si hoti he waqt zaroorat siry per aag laga kar rakh lete hain agar Ashiq Or Mashooq ya or do mukhtalif naam mukhtalif sitaron k mutaliq ho to inke liye dono hi bakhoor makhloot karke jalain baz amil sirf do bakhor banaty hain ek amal ek amal e khair k liye or ek amal e shar k liye wo is kam k liye  tamaam Sa,ad Koakab ki chizon ko ikatha kot lete hain per nahas koakab k liye mareekh or zohal k bakhoor ko ikatha kar lete hain bakhoorat ye hain .

amal e HUB k liye Oad,Mushk,Sandal, liye jaty hain or sitary k mutaliq koi ek chiz mila di jati he .Jin bhoot k amliyat me Gogal,Heeng,Sarso,peepal,gard ka Bakhoor Tyaar kiya jata hai .kisi sitary ka koi bakhoor taiyar karen or in mese koi chiz na mile  to harj ki baat nahi sirf ek chiz b kam degi or wo chiz pehle number ki honi chaiye maslan zohra k liye zaffran atarad k liye mustaghi wagera honi chaiye. 

Chila Kashi

Chila me Bethna or jo 40 din ki tadad Muqarar ki he iska jawaz is Ayat e Karima se  liya jata he .

(Meaning) or jab wada kiya musa se hamne 40 raat ka .

Dosri ayat ye he .

or wada thehraya hamne musa se 30 raaton ka or pura kiya inko or 10 tak puri hui muddat 40 raat ko.

isy zahir he k hazrat musa ne barshaad rabul arbaab koh e toor per chila khencha jiski wajjah se bohot si nematen mili is amar se itba hazrat musa ka paya jata he . Anbiya a.s k tareeqy per chalna hi  rah e rast per chalna he or yehi kamiyabi ki daleel he . Hadis e Qudsi me bhi warid he k Khameer kiya mene adam ki mati ko apne hath se 40 din. or Rasool e Karim s.a.w farmaty hain jo koi makhsos kary apne apko kharisan Lilaahe baad 40 din k zahir hongy iske liye chashme hikmat ke iske dil se iski zaban per goya ayat or haddis me tadaad 40 din dikhai jati he .

asifbinbarkhiya666@gmail.com

Contact Us

FaceBook Profile

Contact : +92311 0492110